Оқырмандар назарына

Қадірлі оқырман!

Сіздерді "Тағылым" танымдық - интеллектуалды клубы

Қазақстан Журналистер Одағының мүшесі, Стивен Кови халықаралық орталығы сертификатының иегері,

жерлес қаламгер, сазгер, тіл жанашыры Бақытқали Мұхамедқалиұлы Мұсабековпен өтетін

"Тағылымы мол тарих мұрасы" атты кездесу кешіне шақырады.

Кеш ақпан айының 21 жұлдызында сағат 15.00-де өтеді.

"Тағылым" танымдық интеллектуалды клубы

Құрметті оқырман және барша қала тұрғындары!  

Н.В. Гоголь атындағы Қарағанды облыстық əмбебап ғылыми кітапханасында «Тағылым» танымдық интеллектуалды клубы ашылды. Жаңа жоба Е.А. Бөкетов атындағы Қарағанды Мемлекеттік университетінің "Тұлғатану" ғылыми-зерттеу орталығымен бірлесіп жұмыс жасайды. Клубтың модераторы – Арқаның от ауызды орақ тілді айтыскер ақыны, ҚарМУдың ұлағатты ұстазы, ф.ғ.к., доцент Айтбай Жұмағұлов.

Ұлт анасының ұлағатты әңгімесі

Бауыржан Момышұлы. Иә, осы есім аталса болды бірден елеңдеп, жүректі әлдебір тылсым игеріп, бойды жігер билейді. Қарапайым қырық екі әріпке құдірет берген ұлы жанның бір есімін естігенде осындай хәлде жалпы қазақ. Ал, осынау адамның қасында жүріп, көңілін тапқан, қолын жылы суға малып, жағдайын жасаған келіні басынан нендей күй кешірді десеңші... Ол туралы екінің бірі, егіздің сыңары ойламақ түгіл елестете алмайды. Ұлылығы шартарапқа, рухы қазаққа қайрат берсе-дағын, бұл – бақ тек оның отбасына берілген. Батырдың көңілінің пәс, мәзін күнделікке түсіріп, көлеңкесіз, қоспасыз таза шындықты жеткізген келіні - Зейнеп Ахметова.

БАРШАҢЫЗҒА, БАРШАҢЫЗҒА!!!

ХАБАРЛАНДЫРУ

Кітапханада жұмыс істейтін «Тағылым» танымдық интеллектуалды клубы

Қарағанды жұртшылығын тағы бір танымды тұлғамен жүздестіруге қуанышты.

Ел Тәуелсіздігінің 25 жылдығына арналған

«Жастар дәстүрлі құндылықтар үшін»акциясының аясында

 2016 жылдың 19 қазан  күні сағат 18.00-де

Бауыржан Момышұлының келіні, жазушы-этнограф, қоғам қайраткері,

Зейнеп Ахметовамен  кездесу өтеді.

Зейнеп Ахметова - қазақтың ұлттық дәстүрлерін насихаттаушы, ұлт жанашыры, халқымыздың батыр ұлдарының бірі де бірегейі Бауыржан Момышұлы туралы «Шуақты күндер», «Бабалар аманаты» естелік кітаптарының авторы.

 Батыр атаның көзін көрген, өмірден түйгені мол, айтары бар тұлғадан көкейіңізде жүрген сауалдардың жауабын алуға асығыңызда!

Халық қызметшісі

Өр Алтай мен Атыраудың арасын мекен еткен, тарихы тереңде жатқан қазақ халқы ежелден сөз өнерін қастерлеп, ардақтаған. Астарлы сөйлеп, аталы сөзге тоқтаған.

Алаш мұрасы - рухани асыл қазынамыз

Жиырма жетінші қаңтар. Ымырт құлайтын мезгіл. Облыстағы бас кітапхананың оқырман залы лық толы. Басым бөлігі лапылдап тұрған жастар. "Келді, келді" - десіп, дүрлігісе орындарын тұрып қол соқты. Орта жастан жаңа асқан ақсары жүзді жігіт ағалары зал төріне беттеп келеді. Келіп арнайы дайындалған орынға жайғасты. Жұрт сілтідей тына қалды.

Тарихыңды таны, тағылымына құлақ түр!

Желтоқсанның 23 күні қала тұрғындары мен кітапхана оқырмандары "Тағылым" танымдық интеллектуалды клубына жиналды. Бұл күнгі дәрісті жазушы-ғалым, ҚР Мемлекеттік сыйлықтың лауреаты Қойшығара Салғараұлы жүргізді. Кешті әдеттегідей белгілі айтыскер ақын Айтбай Жұмағұлов басқарды. Сөз тізгіні қолына түскен бетте-ақ аты – жөні еңбектері арқылы таныс ағамыз өзінің қарапайымдылығымен, қызықты әңгімесімен жұртты баурап ала жөнелді.